நடிகர் அருள்நிதி கதையின் நாயகனாக முதன்மையான வேடத்தில் நடிக்கும் புதிய திரைப்படத்திற்கு ‘கழுவேத்தி மூர்க்கன்’ என பெயரிடப்பட்டு, அதன் ஃபர்ஸ்ட் லுக் வெளியிடப்பட்டிருக்கிறது.
இதனுடன் டைட்டில் மற்றும் ஃபர்ஸ்ட் லுக்கிற்கான மோஷன் போஸ்டரும் வெளியிடப்பட்டிருக்கிறது.
‘ராட்சசி’ எனும் திரைப்படத்தை இயக்கிய இயக்குநர் சை. கௌதம ராஜ் இயக்கத்தில் தயாராகும் புதிய திரைப்படம் ‘கழுவேத்தி மூர்க்கன்’.
இதில் அருள்நிதி கதையின் நாயகனாக நடிக்க அவருக்கு ஜோடியாக நடிகை துஷாரா விஜயன் நடித்திருக்கிறார். இவர்களுடன் சந்தோஷ் பிரதாப், சாயாதேவி, முனிஸ்காந்த், சரத் லோகிதாஸ்வா, ராஜசிம்மன், ‘யார்’ கண்ணன் உள்ளிட்ட பலர் நடித்திருக்கிறார்கள்.
ஸ்ரீதர் ஒளிப்பதிவு செய்திருக்கும் இந்த திரைப்படத்திற்கு டி. இமான் இசையமைத்திருக்கிறார். இந்த திரைப்படத்தை ஒலிம்பியா மூவிஸ் எனும் பட நிறுவனம் சார்பில் பிரபல தயாரிப்பாளர் எஸ். அம்பேத்குமார் தயாரித்திருக்கிறார்.
தமிழகத்தின் தென்பகுதிகளான ராமநாதபுரம், ராமேஸ்வரம், சிவகங்கை, விருதுநகர் உள்ளிட்ட பகுதிகளில் இப்படத்தின் படப்பிடிப்பு நடைபெற்றது.
படத்தின் பணிகள் விறுவிறுப்பாக நடைபெற்று வரும் நிலையில், இதன் தலைப்பு மற்றும் தலைப்பிற்கான மோஷன் போஸ்டர் ஆகியவை வெளியிடப்பட்டிருக்கிறது. ஃபர்ஸ்ட் லுக்கில் அருள் நிதியின் வித்தியாசமான.. ஆக்ரோஷமான தோற்றம் ரசிகர்களை வெகுவாக கவர்ந்திருக்கிறது.
