(எம்.எம்.சில்வெஸ்டர்)

சர்வதேச டென்னிஸ் தரவரிசையில் 378 தடவைகள் முதலாவது இடத்தை கைப்பற்றிய சேர்பிய டென்னிஸ் நட்சத்திரமான நொவாக் ஜோகோவிச், அதிக  தடவைகள் முதலாவது இடத்தை பிடித்தவர் என்ற ஜேர்மனியின் ஸ்டெபி கிராபின் சாதனையை முறியடித்துள்ளார்.

சர்வதேச டென்னிஸ் சங்கம் வீர, வீராங்கனைகளுக்கான புதிய தரவரிசை பட்டியலை கடந்த 28 ஆம் திகதியன்று வெளியிட்டது.

இதில் சேர்பியாவின் நொவாக் ஜோகோவிக் 3980 புள்ளிகளுடன் முதலாவது இடத்தைப் பிடித்து தொடர்ந்தும் முதல் இடத்தை தக்க வைத்துள்ளார். இதன்படி, 378 தடவைகள் சர்வதேச டென்னிஸ் தரவரிசையில் அதிக தடவைகள் முதல் இடத்தைப் பிடித்தவர் என்ற சாதனையை படைத்துள்ளார்.

22 தடவைகள் கிராண்ட் ஸ்லாம் பட்டங்களை வென்றுள்ள நொவாக் ஜோகோவிச்,  ரபேல் நடாலுடன் அதிக கிராண்ட் ஸ்லாம் பட்டங்களை வென்றவராக முதலிடத்தை பகிர்ந்துள்ளார்.

இதேவேளை, பெண்கள் ஒற்றையர் தரவரிசையில் போலாந்தின் இகா ஸ்வியாடெக் முதலாவது இடத்திலும், அவுஸ்திரேலிய பகிரங்க டென்னிஸ் போட்டியில் சம்பியன் பட்டத்தைவென்ற பெலாரசின் அரினா சபலென்கா இரண்டாவது இடத்திலும்,  அமெரிக்காவின் ஜெஸிக்கா பெகுலா  மூன்றாவது இடத்திலும் தொடர்ந்தும் நீடிக்கின்ற‍மை குறிப்பிடத்தக்கது.

Thean Tamil Osai

See author's posts